You can only feel...

Bowling, Bowling, 男女喜愛玩球...

我愛保齡球。
Bowling 一局有10 frames. 一個frame 有十個樽。
一個frame 有兩球機會。一球打晒就全中﹐打兩球先打低晒D樽叫補中。
兩球都打唔晒就叫open.
打低一個樽有一分。補中就有十分﹐再加之後個frame既第一球既分。
全中就十分加之後兩球既分。如過連打三個全中(Turkey)﹐第一個frame就會有30分。
如此類推﹐最高分一局可以打300分。

打保齡要訣﹕
1)Consistent. 任何人都有可能打到全中。只要能經常保持到打全中的姿勢﹐力度﹐速度﹐步伐﹐手腕旋轉力度﹐企位﹐落點﹐打全中是很容易的。哈﹗
2)Focus. 若不專注﹐怎能 Consistent 呢﹖
3)堅持。沒有堅持﹐亦做不到Focus 同 Consistent.
4)恆心。死練爛練﹐梗會打得好既。
5)興趣。無興趣的堅持﹐何苦呢﹖無興趣點有恆心喎﹖

唔關事﹕
1)天份。只要你肯打﹐好彩都會撞到全中。你記住個姿勢﹐加埋上面的要訣﹐咪掂囉。
2)性別。不論男女﹐都有機會打到全中架喎。然後同上。
3)外表。樣衰打唔到全中﹖你玩我牙﹖我同你都打到啦﹗:P 然後同上。
4)Power.大力打落坑都無用啦。個位準﹐慢慢碌都會全中既。然後同上。
5)裝備。打house波都打到全中既。然後同上。
基本上你打過全中﹐就可以有能力打到300分架啦。

保齡像人生﹕
一局局保齡﹐好似一場場人生的挑戰。一個frame等於一個要解決的問題。
一下就搞掂當然漂亮﹐但搞唔掂都仲有機會補救﹐不過就無gum好。
但有機會補救唔代表一定補得到﹐如果第一下做得好差﹐就真係神仙難救。
(打split好難補架﹐尤其超級大分瓶﹐但afterall﹐呢個世界係有神蹟既。)
打保齡要訣亦可以apply落人生做事既要訣﹐呢part唔多講﹐比D空間你自己諗下啦。
但唔關事o個D就真係正﹐有無覺得好大鼓勵呢﹖係男係女﹐樣靚定樣衰﹐天份唔天份﹐都可以做得好喎﹗正呀﹗
仲有﹐你最叻都係打到300分。人力係應該有極限既。所以保齡既概念算係比較寫實。
賽跑紀錄都越來越難破啦﹐不過係open end,成日好似可以再快少少﹐造成未有絕對極限既假像。

你覺得so far打左幾多局﹖Average幾多﹖滿唔滿意﹖有無諗過Average幾多先上到天堂﹖
原來神話上天堂最少要301分Average。即係話你同我都上唔到囉。
但原來仲有一千零一個方法﹗﹗Jesus is the way!
Bowling Tournament 有樣叫Handicap. Handicap 即係話有"同情分".
視乎你Average幾多﹐打得低分會加D分比你﹐等你同D高手打既時候有D機會贏下﹐或者唔駛輸得太核突。
所以上天堂既唯一幾方法就係﹕同耶穌基督打保齡﹗﹗(Jesus係超級高手﹐Averag無限分)
因為Jesus Tournament既Handicap係好高架﹗﹗只要你肯同佢打﹐佢最少可以加到你301分。
加幾多就視乎你有幾忠心啦。幾好﹐呢D咪恩典囉。
老老實實﹐就算神肯減1分﹐300分就上到天堂﹐試問有邊個可以打到300分Average呢﹖
可能有人打到一兩局﹐但絕對無人可以局局都打到300分既﹗
所以如過要靠行為稱義﹐我地都唔駛諗上天堂啦.

睇完長篇大論﹐有無comment呀﹖

posted by Anlian @ 1:32 AM